ISANG TANONG MALING SAGOT NG MGA BORN AGAIN PART 4

Narito na naman tayo sa isa pang bahagi ng ating pagsiwalat sa kapalpakan at kamalian ng mga doktrinang pang-kaligtasan ng mga born-again. Naitalakay na natin ang mga ilang kapalpakan sa OSAS,ang isyu ng tunay na bilang ng aklat sa Biblia at marami pang ibang mga paksa. Ngayon naman, maaari nating maisama ang mga nakaraang topics bagaman may ilang pagdiriin o empasis sa mga kapalpakan ng  ating bida. Halina't simulan natin:

“Hindi religion ang mahalaga kundi ang personal na relasyon mo kay Hesus..”(ISANG TANONG ISANG SAGOT- Ptr. Lapiz, Ed) 

Una sa lahat, ano ba talaga ang depinisyon ng “RELIHION”?

Ayon sa ating mga elektronik na mapagkukunan:

“However, popular etymology among the later ancients (and many modern writes) connects it with “RELIGARE” “to bind fast”via notion of “place an obligation”, or “bond between humans and gods.” (source:htttp://www.etymonline.com/index.php?term=religion)

Ayon mismo sa mga eksperto pagdating sa etimolohiya, ang salitang “religion” ay nanggaling sa Latin term na “RELIGARE” na nangangahulugang “to bind again our relationship with God”. Ibig sabihin, ANG RELIHION MISMO ANG SYANG RELASYON SA DIOS. “religion is the relationship itself!”

Re+ Ligare= again+ to bind= TO BIND AGAIN

Naging napakakenkoy lamang ang mga hunghang na born-again pagdating sa tunay na depinisyon ng relihion dahil sa naloko sila sa mga ilang verses na pinapakita sa kanila ng mga “do it yourself- religion” pastors. Ibig sabihin, nawawala na ang tunay na aral ni Cristo na ibigin ang kanyang iglesya gaya ng pag-ibig Nya rito. Isa pa sigurong naging dahilan ay ang paglitawan ng mga sektang Protestanteng nanliligaw ng landas nang marami kaya naman naging “skeptics”sila pagdating dito. Dahil sa naging “skeptic” sila, nagkaroon sila ng konklusyon na “Walang relihion ang makapagliligtas” sa tao at dahil na rin sa 38,000 sekta na naglitawan, maraming tao ang naguluhan kung saan sa mga ito matatagpuan ang katotohanan!

Ngayon,Biblikal ba ang sinasabi ng ating bida?

Hindi!Bakit?

Kung titingnan natin ang salin ng Mabuting Balita na copyright ng PBS:

1Timoteo 3:16(MBB)
NAPAKAHIWAGA NG MGA KATOTOHAN NG ATING RELIHION:“Siya'y nahayag nang maging tao,At pinatotohanan ng Espiritu,Nakita ng mga anghel.Ipinangaral sa sanlibutan,Pinaniwalaan ng lahat,At sa langit ay tinanggap.”

Ibig sabihin, ANG KATOTOHANAN AY NASA RELIHION dahil ayon mismo sa sitas,“napakahiwaga ng mga katotohanan ng ating relihion.”

ano nga ba ang katotohanan kung titingnan natin ang Biblia? Hindi ba't nagpakilala rin si Jesus bilang “Katotohanan”?

Juan14:6 (MBB)
“sumagot si Jesus, “Ako ang daan, ANG KATOTOHANAN, at ang buhay...”

Ibig sabihin, si Jesus, ang kanyang katotohanan ay ipangangaral lamang ng nag-iisang relihion (sapagkat “singular subject” ang tinutukoy na relihion sa sitas).Tunay nga na ang katotohanan ay matatagpuan lamang sa nag-iisang relihion!

Kung mapapansin natin sa mga born-again, palagi nilang sinasabi na wala silang kinabibilangan na sekta dahil SILA UMANO AY MGA NON-DENOMINATIONAL DENOMINATION O NON-SECTARIAN MOVEMENTS! Kung titingnan natin ang Biblia, walang sinabi na ang mga Cristiano ay walang kinaaanibang sekta/relihion ngi ang kasaysayan ay walang binabanggit ukol dito!

Tingnan nga natin kung non-sectarian ang mga Cristiano ayon sa mga aklat ng reperensya:

“CHRISTIANITY AROSE AS A SECT of Judaism inthe first century A.D when Roman empire was its peak.” (source: p.273 “TheReligions of the World”. Hoppe, Lewis M.)

Napakalinaw sa aklat-kasaysayan na ang Kristyanidad ay nagsimula bilang sektang nanggaling sa relihiong Judaismo sapagkat ang mga naunang apostol at ang pinaniniwalaang Mesiyas ng mga Cristiano ay pawang mga Judio.

“As a tradition, Christianity is more than A SYSTEM OF RELIGIOUS BELIEF.”(source: p.251, Britannica Encyclopedia.Vol.16- 2007)

Nangangahulugan lamang na ang Kristyanidad ay isang sistemang panrelihion at hindi isang non-sectarian system na tinutukoy ng mga born-again! Kaagad nilalabag ng mga lapastangang born-again na ito ang tradisyong patuloy na sinusunod ng mga tunay na Kristyano simula pa noong 33 AD. Tahasan nilang tinatanggi ang esensya ng tunay na relihion na tinatag ni Jesus sa pamamagitan ni San Pedro bilang unang Santo Papa (Mateo 16:18-19)!

Gawa24:5
“Natuklasan namin na ang taong ito'y(SANPABLO) nanggugulo. Ginugulo niya ang mga Judio saan man siya magpunta, at siya'y ISANG PASIMUNO NG SEKTA NG MGA NAZARENO.”

Ayon mismo sa tala ni San Lukas sa aklat ng Gawa, si San Pablo ay syang pasimuno ng sekta ng Nazareno na samakatwid ay syang relihion ng mga Cristiano. Hindi ito itinanggi ni San Pablo dahil totoo namang kabilang sya sa sektang naniniwala sa Nazareno na sya ring si Jesus! Ngayon, bakit ang mga born-again na ito ay tinatanggi ang esensya ng pakikibaka ni San Pablo para sa tunay na sekta???isasawalang kabuluhan na lamang ba nila ang pagkamartir ni San Pablo alang-alang sa pagtatanggol sa sekta/ relihiong ito?

Gawa 24:14
“tinatanggap ko po na ang pagsamba ko sa Diyos ng aming mga ninuno ay ayon sa Daan na ipinapalagay nilang maling“SEKTA””. 

Napakalinaw mga kapatid, ano po? Inamin ni San Pablo ang pagkakabilang nya sa sekta na pinapalagay naman ng iba na mali! Malinaw na kasing-ugali ng mga hunghang na born-again ang mga Judiong umusig kay San Pablo! Sila ay taksil sa tunay na aral!

Darako naman tayo dun sa isa pang pitfall doctrine ng mga born-again:

“Ang salvation after rapture is by works, sohe who remains faithful to the end will be saved. Hindi nakaka-apply sa atinyung verse na yun, sa tribulation saints yun” (p.26,ISANG TANONG ISANG SAGOT)

Saan naman kaya mababasa na para sa tribulation saints ang “works”? Hindi ba't utos ni  San Jaime na gumawa kalakip ng ating pananampalataya!

Santiago2:26

“Patay ang katawang hiwalay sa espiritu;gayon din naman, PATAY ANG PANANAMPALATAYANG HIWALAY SA GAWA.”

Kitam?Patay ang pananampalatayang hiwalay sa gawa gayon din naman, walang kwenta ang pagsamba kung hindi sumusunod sa utos! Isa pa, bakit sinasabing “by works only”ang salvation sa rapture at hindi na raw kailangan ng faith sa panahon na yaon??

Filipos3:14

“Nagpapatuloy nga ako sa hangganan upang kamtan ang gantimpala ng pagkatawag sa akin ng Dios sa pamamagitan ni CristoJesus, ang buhay na hahantong sa langit.”

malinaw na nakalagay ang “nagpapatuloy” na nangangahulugan lamang na hanggang wakas,kailangan na maituloy natin ang sinimulang pananampalatayang pinapatunayan ng gawa. Ang dalawang ito ay tunay na magkasama bilang sangkap ng kaligtasan! Ang pananampalataya ay dapat magpatuloy maging sa tibulation!

1 Corinto 13:13(MBB)

“Ang tatlong ito'y NANANATILI: ANG PANANAMPALATAYA, pag-asa at pag-ibig...”

o,nananatili pala e! Pero bakit winawala nila ang faith sa tribulation gayong kailangan itong manatili!

 Idinugtong pa sa nasabing pahina ng palpak na aklat ang ganito:

“Hindi naka-apply sa atin 'yung verse na 'yun; sa tribulation saints”

ang tinutukoy na verse sa sinabi ay ang Mateo 24:13 na nagsasabing:

“Ngunit ang nananatili hanggang wakas ay syang maliligtas.”

Hindi raw applicable ang nasabing sitas dahil para raw lamang iyon sa pagdating ng panahon ng pagdalamhati o tribulation. Totoo ba ito? Hindi po mga kapatid!Bakit? Dahil nangyayari na po ang mga nasabing hula bago banggitin ang nasabing sitas sa Mt. 24:13! ano ba ang sinasabi bago iyon?

Mateo24:9
“Marami ang magpapanggap na propeta at ililigaw nila ang marami.”

ilan na po ba ang mga naglitawang bulaang pastor/propeta sa kasalukuyan? Nangyayarina po iyon, hindi po ba? Tiyak po ako na nangyayari na iyon dahil sa nagsilitawan ang marami sa kanila sa bilang na 38,000 sa buong daigdig!

Ipagpalagay nating tama ang kakenkuyan na ito, nakapaloob ba ito sa ebanghelyo ni Jesus?Hindi po!

Mateo 22:36;
“Ibigin mo ang Panginoon mong Diyos nang buong puso, nang buong kaluluwa, at nang buong pag-iisip.”

Sa palagay nyo ba, ang pag-ibig ay maipapakita sa laway ng ating bunganga?Maipapakita lamang ba ito sa pamamagitan ng pananampalataya? Hindi po!

1 Juan 3:18
“Ipakita natin ANG TUNAY NA PAG-IBIG SA PAMAMAGITAN NG GAWA.”

ang SINUMANG NAGSASABING “MAHAL KO ANG DIOS” AY DAPAT IPAKITA ITO SA PAMAMAGITAN NG GAWA, hindi po ba?

Abangan ang susunod na kabanata

ISANG TANONG MALING SAGOT NG MGA BORN AGAIN PART 3

Nuong mga nakaraang artikulo, nagkaroon tayo ng paghimay sa mga nabalangkas na maling doktrina ng ating butihing bida mula sa Day by Day ministries na si Pastor kuno Ed Lapiz. Ngayon naman, titingnan pa natin ang ilan pa nyang pitfalls kung saan hayagan nating ipapakita ang mga kapalpakan ng ating bida. Halina't himayin natin ang mga kakenkuyan na ito:

“naalala nyo ba ang dalawang nakapako sa magkabila ni Kristo at kung paano niya nailigtas ang       isa?... marami kasing nagsabi na para masave, kailangan ikaw ay banal. Sa tingin nyo ba banal ang lalaking ito? Pero sinabi ni Jesus sa kanya, today you will be with me in paradise. Pumunta ba sya sa paraiso? Siempre. Banal ba sya?Hindi. So hindi totoo na dapat maging banal para ma-save.
(mula sa: p.17, ISANG TANONG ISANG SAGOT)

So ano pala dapat? “believing lang ba at ang sinasabing“relationship”? Kaaligagaan ang sinasabi nito!Malinaw kasing karugtong ito ng doktrinang Once Saved always Saved na sya nang nagsilbing  marketing strategy ng mga bulaang pastor sa kasalukuyan.  Alalahanin natin ang sinabini San Pedro na nakabatay din sa Kasulatan:

1 Pedro 4:18
“Kung ang matuwid ay halos hindi maligtas,ano kaya ang kahihinatnan ng mga makasalanan at di kumikilala sa Diyos?”

e kung matuwid at banal pa nga ay halos hindi maligtas, ano pa kaya ang kahihinatnan ng mga makasalanang tao sa mundo? Vital o mahalaga talaga ang pagpapakabanal bilang sangkap sa kaligtasang tinamo na natin mula sa redemptive works ni Cristo!

Roma 6:19;
...”ngayon nama'y ihandog ninyo ang inyong sarili sa katuwiran AT SA IKAPAGIGING-BANAL NINYO.”

Sa sinabi mismo ni san Pablo, malinaw na malinaw nating masasabi na ang Pastor kuno na tampok sa ating usapan ay syang suwail sa tunay na aral ng ating mga apostol at maging ng ating Panginoong Jesu-Cristo!

Balikan pa natin ang sinabi ni San Pablo;

Filipos 2:12 (MBB);
“may takot at panginginig na magpatuloy kayo sa paggawa hanggang sa malubos ang inyong kaligtasan.”

o kitam? Kailangan ng maingat na paggawa upang malubos ang kaligtasan at hindi 'yung simpleng pinagsasabi sa aklat. Idugtong natin ang nasa bersikulo 14 at 15;

Filipos 2:14-15 (MBB);
Gawin ninyo ang lahat ng bagay nang walang tutol at pagtatalo, upang kayo'y maging ulirang mga anak ng Dios, malinis at walang kapintasan.

Para lalong maipakita natin ang kahunghangan ng doktrinang ito, basahin natin ang epistulo ni San Pedro;

1 Pedro 3:16 (BSP)
“Nasusulat: “MAGINGBANAL KAYO sapagkat ako'y banal.”

Isipin na lang natin, kung hindi mahalaga ang pagpapakabanal,bakit pa tayo pinaalalahanan na maging banal? Isasawalang katuturan na lang ba natin ang utos na ito ni San Pedro dahil lamang sa utos ng hindi kilalang pastor na ito? Naturalenteng hindi dapat dahil ayon na mismo kay Jesus:

Lukas 10:16 (BSP)
“AKO ANG DINIDINIG NG NAKIKINIG SA INYO at ako ang tinatanggihan ng tumatanggi sa inyo.”

Nangangahulugan lamang na dapat nating sundin ang utos na“magpakabanal” ni San Pedro alang-alang na rin kay Jesus na nagsasabing “ang pagsunod sa mga apostol ay pagsunod din sa Kanya.”

ngayon, papaano naman naligtas ang isang magnanakaw nakasabay na naipako sa krus? Simple lang naman ang kasagutan sa tanong na ito!Bagaman ang taong ito ay tunay na makasalanan at hindi matatawag na banal, ang TAONG ITO AY HINDI MASASABING CRISTIANO NI HINDI RIN MASASABING ISANG TAGASUNOD NI CRISTO! Bakit? Dahil sa panahong nakapako si Jesus sa krus kasabay ng dalawang magnanakaw, HINDI PA GANAP NA NAITATAG ANG SIMBAHAN/IGLESYA na syang  magiging sangkap sa kaligtasan ng tao sa mundo!

Kaylan lang ba ganap na naitatag ang sinasabing kaharian ng Dios sa lupa, ang iglesia? Ito ay naitatag lamang sa panahong umakyat na si Jesu-Cristo sa langit nuong Linggo ng Pentekostes kung saan unang naipagkaloob ang Espiritu-Santo sa mga unang taga-sunod!

So ano ang dahilan kung bakit ito naligtas?

1 Corinto 5:12-13 (MBB)
“Sapagkat ANO ANG PAKIALAM KONG HUMATOL SA LABAS? Hindi ba't ang mga nasa loob ang dapat ninyonghatulan? Hahatulan ng Diyos ang mga nasa labas, pero itiwalag ninyo ang baluktot na tao.”

Nangangahulugan lamang na wala tayong pakialam sa mga taong nasa labas ukol sa paghatol sa kanila, bagkus ANG DIOS ANG BAHALA SA KANILA KUNG PAPAANONG HAHATULAN SILA NG DIOS. Subalit sa ganyang pagkakataon, lubhang  magiging mahirap sa kanila ang kaligtasan ngunit napakapalad ng magnanakaw na makaharap nya mismo ang Panginoon. Sa pagkakataong yaon, ANG DIOS ANG HUMATOL SA KANYA at ang naging hatol sa kanya ay ang pagsama nya sa paraiso. Anu pa bang magagawa natin kung iyon ang hatol sa kanya? Sa kabutihang palad,NASUSULAT SA ATING DOKTRINA ANG GANYANG ARAL.

“We do not believe, of course, that all non-Catholics go to hell, any more than we believe that just calling oneself a Catholic will get one to heaven. The dictum that “Outside theChurch, there is no salvation,” means no salvation for those who are outside the Church through their own fault. One who has been a Catholic and who deliberately abandons the Church cannot be saved unless he returns... THOSE,HOWEVER, WHO ARE OUTSIDE THE CHURCH THROUGH NO FAULT OF THEIR OWN, AND WHO DO THE BEST THEY CAN ACCORDING TO WHAT THEY KNOW, MAKING GOOD USE OF THE GRACES THAT GOD SURELY WILL GIVE THEM IN THE VIEW OF THEIR GOOD WILL- THEY CAN BESAVED.” (p.175, The Faith Explained- 3^rd edition. Fr. Trese, Leo J.) 

nangangahulugan lamang na maaaring maligtas ang sinuman na hindi naman nakakaalam sa pananampalatayang Catolico sa loob ng iglesya subalit mayroong mabuting-kalooban na nababatay sa pinagkaloob sa kanila ng Poong Maykapal. Ano bang malay ng magnanakaw sa tinuturo ni Cristo na “magpakabanal”?Ano bang alam nya sa katuruan ng pagbibinyag, pagkukumpil at pagsunod sa utos ni Cristo? Wala, dahil sa panahong nakapako sya, wala syang magagawa ni walang alam sa iglesyang itatatag lamang ng lubusan sa ika-50 araw matapos mabuhay mag-uli si Cristo, sa araw ng Pentekostes!

Ito pa ang matindi sa sinasabi ng ating bidang pastor:

[kung nasave 'yon,DAPAT NAGING BORN AGAIN 'YON]

Nais ipakahulugan ng pastor na ang magnanakaw ay isang BornAgain dahil sa implikasyong nasave sya. Kumbaga ang formula nila sa pagiging born-again ay ganito:

“Accept

Believe

Commit”

ang mahiwagang tanong, nasaan naman ang commitment o ang patunay na naging born again ang magnanakaw kung pagkatapos pa lang ng “accept”ay patay na sya?? papaano pa sya magiging isang bagong nilalang kung hindi nya maipapakita ang pagbabago sa kanya?

Nagpapatunay lamang na kenkoy itong doktrina ng pastor kuno na bida sa ating atrikulo!

1 Juan 3:9 (AB)
“ang sinumang ipinanganak ng Dios ay hindi nagkakasala...”

papaano nya maipapakita ang pagbabagong katangian nya kung pagkatapos nyang matanggap si Cristo ay patay na sya? Edi hindi nya nasunod ang“commitment stage” na sinasabi ng ating butihing pastor!

E bakit kaya nya nasabing born-again itong magnanakaw? Nasunod nga ba nya lahat ng qualifications?

Juan 3:3(BSP)
Sumagot si Jesus sakanya: “Talagang-talagang sinasabi ko sa iyo, walang makakakita sa paghahari ngDiyos kung HINDI SYA ISISILANG MULI MULA SA TAAS. (note: Bible scholars admitted that the correct translation for born-again is BORN FROM ABOVE)

E ngayon, anu bang ginagawa sa mga born-again daw?

Edi dugtungan natin:

Juan 3:5 (BSP)
“...walang makakapasok sa kaharian ng Diyos KUNG HINDI ISISILANG MULA SA TUBIG AT ESPIRITU.”

hindi na kailangang pag-isipan pa na ang tinutukoy dito ay ANG MAHALAGANG SAKRAMENTO NG BINYAG NA PINAG-PAUNA NA NI JESUS NA MANGYAYARI PAGKATAPOS NYANG MAIBIGAY ANG LUBOS NA KAPANGYARIHAN SA MGA APOSTOL!

Ang mahiwagang tanong, NABINYAGAN BA ANG MAGNANAKAW PARA SABIHING “BORN-AGAIN” SYA?? HINDI NAMAN diba? Ibig sabihin, ang magnanakaw na nakasama sa paraiso AY HINDI ISANG BORN-again!

 ITUTULOY...

ISANG TANONG, MALING SAGOT NG MGA Born Again part 2 (PAGSUSURI SA MGA KAMALIAN ng AKLAT NA “ISANG TANONG ISANG SAGOT NI ED LAPIZ

Naitalakay sa part 1 ang mga katuwa-tuwang doktrina na ipinapalaganap ng ating butihin (daw) na pastor na si Ed Lapiz. Mula sa part 1, napatunayan natin na hindi marunong sa sipnayan ang ating bida na syang may-akda ng ISANG TANONG ISANG SAGOT. Napatunayan natin na marami sa mga born again ay walang muwang sa mga pangyayaring kasaysayan dahil sa lubha nilang pagpokus sa Biblia na kanilang inuunawa sa pamamagitan lamang ng kanilang sarili. Sa kanilang kamalian mula sa PERSONAL INTERPRETATION na ginagawa, nagkabale-balentong tuloy ang lohika ng kanilang doktrina ukol sa KALIGTASAN kaya naman sa buong mundo, binubuo sila ng mga 38,000 sekta o non-sectarian na organisasyon na kung saan, sila-sila rin ang naglalaban dahil sa kanilang pansariling interes at pansariling interpretasyon sa Banal na Kasulatan.

Para sa ikalawang bahagi ng aking pagpupuna sa aklat, isa sa mga naging kapansin-pansin na mali na aking nakita sa kanyang katawa-tawang aklat ay nang masabi nya ito:

“Pero kung ang isang tao ay tumanggap na kay Kristo, ligtas na sya at wala nang bawian ‘yon.”Source: p.14, ISANG TANONG ISANG SAGOT

 Weh? Parang hindi naman! Kaya naman pala muntikan nang masila ang Iglesya sa Galacia at sinabihan ni San Pablo ng matindi (Galacia 3:3). Take note, mga believers na ang mga taga- Galacia at sila’y mga Kristyano na pero muntik-muntikan nang maligaw.

Galacia 3:3 (ADB)Napakamangmang na baga kayo? kayong nagpasimula sa Espiritu, ngayo'y nangagpapakasakdal kayo sa laman?

 Isa sa mga dahilan kung bakit TOTOONG MALI ang mga sekta Protestante ngayon kasama ang mga born again ay ang paniniwala na ONCE SAVED ALWAYS SAVED na produkto rin ng 500 taong Sola Fide na ipinalaganap ni Martin Luther. Tama baga ito? Hindi, dahil ayon mismo kay San Pablo, maaaring mapahamak at maligaw ang mga Kristyano lalo na kung magpapalapa sila sa mga hunghang na bulaang propeta.

Gawa 20:29-30(ADB)Aking talastas na pagalis ko ay magsisipasok sa inyo ang mga ganid na lobo, na hindi mangagpapatawad sa kawan; At magsisilitaw sa mga kasamahan din ninyo ang mga taong mangagsasalita ng mga bagay na masasama, upang mangagdala ng mga alagad sa kanilang hulihan.  

Nagbabala rin si Apostol San Pablo na kapag magpapatuloy tayo sa ating mga kasalanan, hindi na natin mahihintay pa ang lubos na Kaligtasan sa hinaharap kundi;

Hebreo 10:26-27(ADB)Sapagka't kung ating sinasadya ang pagkakasala pagkatapos na ating matanggap ang pagkakilala sa katotohanan, ay wala nang haing natitira pa tungkol sa mga kasalanan, Kundi isang kakilakilabot na paghihintay sa paghuhukom, at isang kabangisan ng apoy na lalamon sa mga kaaway

 Kung ating iisa-isahin ang usaping ito, mapapahaba masyado ang artikulong ito pero dapat tandaan na ang tunay na utos ni Cristo ay ganito;

Juan 8:31(ADB)Sinabi nga ni Jesus sa mga Judiong yaon na nagsisisampalataya sa kaniya, Kung kayo'y magsisipanatili sa aking salita, kung magkagayo'y tunay nga kayong mga alagad ko;  

 Ngayon para lubos nating maunawaan ang tunay na doktrina na Kaligtasan kung saan nagpapahayag na kailangang gumawa ka ng may panginginig(Filipos 2:12)mangyaring pakitingnan ang mga artikulo ukol dito tulad ng: (http://bulwarkoftruth.blogspot.com/2012/09/hindi-biblikal-ang-doktrinang-sola-fide.html)

 Isa pang nakatutuwang sinabi ng ating tampok na pastor ay ito:

So kapag ang pangalan mo ay naisulat na sa Book of Life, permanente na iyon at wala nang burahan.(Mula sa: Ibid,p,14)

 Anung walang burahan? Papanu kaya nasabi nya iyon gayong wala naman sa Biblia ang ganitong katuruan. Ano ba sa palagay nya ang langit, walang pambura? Hala kung babasahin natin ang sinasabi sa Revelations, ganito ang mababasa;

Revelations 22:19 And if any man shall take away from the words of the book of this prophecy, God shall take away his part out of the book of life, and out of the holy city, and from the things which are written in this book.

babala: mag-ingat sa ganitong doktrina

 Marunong naman ata tayo sa pag-unawa sa Ingles kaya malinaw na matatanggal ang SINUMAN SA BOOK OF LIFE KUNG BABAWASAN NYA ANG Kasulatan. Teka, parang mairerelate natin ito sa part 1 ha? Hindi ba’t BAWAS DIN ANG BIBLIA NG MGA BORN AGAIN AT NG MGA PROTESTANTE BUNSOD SA PAGSUNOD KAY MARTIN LUTHER? Matatanggal kaya sila sa book of Life? Napakahirap magbigay nang konklusyon ukol dyan pero NAPAKALINAW NAMAN NA NAPATUNAYANG KATATAWANAN NA NAMAN ANG KATURUAN NG MGA MODERNONG CRISTIANONG KUNO SA KASALUKUYAN(born again kuno na naman).

(ipagpapatuloy)

HINDI BIBLIKAL ANG DOKTRINANG SOLA FIDE!

            Ilang siglo na rin ang nakalilipas mula nang lumitaw ang mga kaibigan nating nagtuturo ng aral na FAITH ALONE o SOLA FIDE. Ito ay tumutukoy sa “biblikal” na aral umano na ang gagawing pagliligtas at paghuhukom sa mga tao ay base lamang sa naging PANANAMPALATAYA nito—iyon lang at wala ng iba pa. Ang doktrinang ito ay sinimulang palaganapin ni Martin Luther, isang dating Agustinong monghe, kalakip ng iba pang turong binalangkas niya sa kasagsagan ng repormasyon noong ikalabing-anim na siglo. Hanggang sa kasalukuyan, ito pa rin ang patuloy na ipinakikipaglaban ng mga kapatid nating nawalay sa Santa Iglesia.

            Ngunit, ito nga ba talaga ang itinuturo ng Banal na Kasulatan ukol sa “justification” ng mga mananampalataya? Talaga nga bang “sumampalataya ka lang” ay sigurado na ang pagpunta mo sa langit sa malapit na hinaharap anuman ang mangyari?

            Bilang tugon, saliksikin natin ang Bibliya!

Para sa kaalaman ng lahat, ISANG BESES LAMANG natin mababasa sa Bibliya ang dalawang katagang ito na FAITH ALONE (Fil. PANANAMPALATAYA LAMANG):

James 2:24 (RSV)  

You see that a man is justified by works and not by faith alone.

Santiago 2:24 (SND) 

Nakikita ninyong ang tao ay pinapaging-matuwid sa pamamagitan ng mga gawa at hindi sa pamamagitan ng pananampalataya lamang.

            Ngayon, malinaw na BAGSAK AGAD sa pamantayan ng BIBLIYA ang katuruang JUSTIFICATION BY FAITH ALONE sapagkat tuwiran nitong SINALUNGAT ang pangangaral ng mga APOSTOL base na rin sa aklat ni Apostol Santiago. At ayon na rin sa mga kasulatan, ang sinumang magdala ng aral na iba sa mga ipinangaral ng mga tunay na tagapagturo ay karapatdapat na sumpain (cf. Gal. 1:8)

            Alin nga ba ang tama—ang PANANAMPALATAYA LAMANG o PANANAMPALATAYANG MAY KALAKIP NA GAWA?

            Ayon sa pagtuturo pa rin ni Apostol Santiago:

Santiago 2:14-26 (SND)

Mga kapatid ko, kung sabihin ng isang tao na siya ay may pananampalataya subalit wala siyang gawa, ano ang pakinabang noon? Maililigtas ba siya ng pananampalataya? Maaaring ang isang kapatid na lalaki o babae ay walang damit o kinukulang sa pang-araw-araw na pagkain. At ang isa sa inyo ay nagsabi sa kanila: Humayo kayo nang mapayapa. Magpainit kayo at magpakabusog. Ngunit hindi mo naman ibinigay sa kanila ang mga kailangan ng katawan, ano ang kapakinabangan noon? Ganiyan din ang pananampalataya, kung wala itong mga gawa, ito ay patay sa kaniyang sarili. 

Maaaring may magsabi: Ikaw ay may pananampalataya, ako ay may mga gawa. Ipakita mo ang iyong pananampalataya na wala ang iyong mga gawa at ipapakita ko sa iyo ang aking pananampalataya sa pamamagitan ng aking mga gawa. Nananampalataya kang iisa ang Diyos. Mabuti ang iyong ginagawa. Maging ang mga demonyo ay nananampalataya at nanginginig.

Ikaw na taong walang kabuluhan, ibig mo bang malaman na ang pananampalatayang walang mga gawa ay patay? Hindi ba ang ating amang si Abraham ay pinaging-matuwid sa pamamagitan ng mga gawa? Ito ay nang ihandog niya sa dambana ang kaniyang anak na si Isaac. Iyong nakita na ang pananampalataya ay gumagawang kalakip ng kaniyang mga gawa at ang pananampalataya ay naging ganap sa pamamagitan ng mga gawa. At naganap ang kautusan na sinabi: Sinampalatayanan ni Abraham ang Diyos at ito ay ibinilang sa kaniya na katuwiran at tinawag siyang kaibigan ng Diyos. Nakikita ninyong ang tao ay pinapaging-matuwid sa pamamagitan ng mga gawa at hindi sa pamamagitan ng pananampalataya lamang.

Hindi ba sa gayunding paraan si Rahab na isang patutot ay pinaging-matuwid sa pamamagitan ng mga gawa? Matapos niyang tanggapin ang mga sugo, sila ay pinaalis niya at pinadaan sa ibang landas. Kung paanong ang katawang walang espiritu ay patay, gayundin ang pananampalataya na walang mga gawa.

Sa mga nabanggit na sitas ng Bibliya, malinaw na tinuran ng Apostol Santiago na ang “JUSTIFICATION” ng mga mananampalataya ay ayon sa kanilang PANANAMPALATAYA at ang kaakibat nitong GAWA. Ito rin ay tuwirang nagpapatunay na HINDI TOTOO ang katuruang “ONCE SAVED, ALWAYS SAVED” na sinususugan din ng mga sumusunod na talata:

Hebreo 10:26-27 (SND) 

Sapagkat tinanggap na natin ang kaalaman ng katotohanan at kung sinasadya natin ang pagkakasala, wala nang natitira pang handog para sa mga kasalanan. Ang natitira na lamang ay ang kakila-kilabot na paghihintay para sa paghuhukom at nagngangalit na apoy na siyang lalamon sa mga kaaway.

Hebreo 6:4-6 (SND) 

Sapagkat minsan ay naliwanagan na ang mga tao. Natikman na nila ang makalangit na kaloob at naging kabahagi na ng Banal na Espiritu. Natikman na nila ang mabuting Salita ng Diyos at ang mga kapangyarihan ng darating na kapanahunan. Kung sila ay tatalikod, hindi na maaring mapanumbalik sila sa pagsisisi. Sapagkat muli nilang ipinako sa krus para sa kanilang sarili ang anak ng Diyos.

           Ang mga talata sa itaas ay nagbibigay ng malinaw na doktrina na MAAARI pang MAWALA ang KALIGTASAN kung hindi PAG-IINGATAN at susundin ang katuruang moral na naaayon sa mga apostolikong turo.

            Kung hihimayin din ang mga basikong aral ng Bibliya ukol sa justification, makikitang ito ay gagawin batay sa mga GINAWA ng isang mananampalataya ayon sa:

2 Mga Taga-Corinto 5:10 (SND) 

Ito ay sapagkat tayong lahat ay haharap sa luklukan ng paghatol ni Cristo upang ang bawat isa ay tumanggap ng nauukol sa atin para sa mga bagay na ginawa sa katawan maging ito man ay mabuti o masama.

Mga Taga-Roma 2:6-10 (SND) 

Ang Diyos ang nagbibigay ng hatol sa bawat tao ayon sa gawa niya.  Sila na patuloy na gumagawa ng mabuti, na may pagtitiis at naghahanap ng kaluwalhatian at karangalan at ng walang kasiraan ay bibigyan ng walang hanggang buhay.  Ngunit sa kanila na makasarili at masuwayin sa katotohanan at sumu-sunod sa kalikuan ay tatanggap ng poot at galit.  Paghihirap at kagipitan ang ibibigay sa bawat kaluluwa ng tao na patuloy na gumagawa ng masama, una sa mga Judio at gayundin sa mga Griyego.  Ngunit kaluwalhatian, kapurihan at kapayapaan ang ibibigay sa lahat ng gumagawa ng mabuti, una sa mga Judio at saka sa mga Griyego.

Mga Taga-Roma 2:13 (SND) 

Ito ay sapagkat hindi ang mga nakikinig ng kautusan ang matuwid sa paningin ng Diyos kundi ang mga gumagawa ng kautusan ang siyang pinapaging-matuwid.

Pahayag 20:12 (SND) 

At nakita ko ang mga taong patay, hindi dakila at dakila na nakatayo sa harapan ng Diyos. At binuksan ang mga aklat at ang isa pang aklat ang binuksan, ito ay ang aklat ng buhay. Hinatulan niya ang mga patay ayon sa nakasulat sa mga aklat, ayon sa kanilang mga gawa.

            Ngayon, ano ba ang mga ipinapayo ng Bibliya upang MALIGTAS?

             Ipinagpapauna ko na marami po ang binabanggit ng bibliya na kasagutan sa tanong ito ngunit magbabanggit ako ng ilan sa mga iyon.

Kabilang dito ang mga sumusunod:

* sumampalataya sa Panginoon

Mga Gawa 16:31 (SND) 

Sinabi nila: Sumampalataya ka sa Panginoong Jesucristo at maliligtas ka, ikaw at ang iyong sambahayan.

*magtiis hanggang sa katapusan

Mateo 10:22 (SND) 

Kapopootan kayo ng lahat ng mga tao dahil sa aking pangalan. Ngunit ang magtiis hanggang sa wakas ang siyang maliligtas.

Mateo 24:13 (SND)
Ngunit siya na makapagtitiis hanggang wakas ay maliligtas.

(tingnan din ang Mk. 13:13, Heb. 10:35-36)

*pasanin ang krus

Mateo 16:24-25 (SND) 

Nang magkagayon, sinabi ni Jesus sa kaniyang mga alagad: Kung ang sinuman ay ibig sumunod sa akin, tanggihan niya ang kaniyang sarili, pasanin niya ang kaniyang krus at sumunod sa akin.  Ito ay sapagkat ang sinumang ibig magligtas ng kaniyang buhay ay mawawalan nito. Ngunit ang sinumang mawalan ng kaniyang buhay alang-alang sa akin ay makakasumpong nito.

(tingnan din ang Mt. 10:38, Mk. 8:24, Lk. 9:23, 14:27)

*magpabautismo

Marcos 16:16 (SND) 

Ang sinumang sumampalataya at mabawtismuhan ay maliligtas. Ang sinumang hindi sumampalataya ay hahatulan.

(tingnan din ang Titus 3:5, 1 Pt. 3:20-21)

*maging bahagi ng itinatag na Iglesia

Mga Gawa 2:47 (SND) 

Sila ay nagpupuri sa Diyos at kinaluluguran ng lahat ng mga tao. Idinagdag ng Panginoon sa kapulungan araw-araw ang mga naliligtas.

Pansinin na sa puntong ito, ang IGLESIA ay nagsisimula nang lumaganap sa mga HUDYO man o HENTIL sa pamamagitan ng pangangaral ni San Pedro sampu ng iba pang mga APOSTOL. Ang mga inililigtas ng DIOS ay dinadagdag sa iglesiang ito.

*ikumpisal ang kasalanan

Santiago 5:16 (SND) 

Ipahayag ninyo ang inyong mga pagsalangsang sa isa't isa. Manalangin kayo para sa isa't isa, upang gumaling kayo. Ang mabisa at taimtim na panalangin ng taong matuwid ay higit na malaki ang magagawa.

1 Juan 1:9 (SND) 

Kung ihahayag natin ang ating mga kasalanan, siya ay matapat at matuwid na magpapatawad at maglilinis sa atin sa lahat ng ating kalikuan.

*tupdin ang mga Kautusan

Mateo 5:19-20 (TAB) 

Kaya't ang sinomang sumuway sa isa sa kaliitliitang mga utos na ito, at ituro ang gayon sa mga tao, ay tatawaging kaliitliitan sa kaharian ng langit: datapuwa't ang sinomang gumanap at ituro, ito'y tatawaging dakila sa kaharian ng langit. Sapagka't sinasabi ko sa inyo, na kung hindi hihigit ang inyong katuwiran sa katuwiran ng mga eskriba at mga Fariseo, sa anomang paraan ay hindi kayo magsisipasok sa kaharian ng langit.

(tingnan din ang Mt. 7:21)

*pakinggan ang mga turo't tagubilin ni San Pedro at ng mga apostol gayundin ang kanilang mga kahalili

Gawa 11:13-14 (TAB) 

At kaniyang isinaysay sa amin kung paanong nakita niya ang anghel na nakatindig sa kaniyang bahay, at nagsasabi, Magsugo ka sa Joppe, at ipagsama mo si Simon, na may pamagat na Pedro; Na siyang magsasaysay sa iyo ng mga salita, na ikaliligtas mo, ikaw at ng buong sangbahayan mo.

Gawa 15:7 (TAB) 

At pagkatapos ng maraming pagtatalo, ay nagtindig si Pedro, at sinabi sa kanila, Mga kapatid, nalalaman ninyo na nang unang panahong nakaraan ay humirang ang Dios sa inyo, upang sa pamamagitan ng aking bibig ay mapakinggan ng mga Gentil ang salita ng Evangelio, at sila'y magsisampalataya.

Hebreo 13:7, 17 (TAB) 

[7] Alalahanin ninyo ang nangagkaroon ng pagpupuno sa inyo na siyang nangagsalita sa inyo ng salita ng Dios; at sa pagdidilidili ng wakas ng kanilang pamumuhay, ay inyong tularan ang kanilang pananampalataya.

[17] Magsitalima kayo sa namiminuno sa inyo, at kayo'y pasakop sa kanila: sapagka't pawang nangagpupuyat dahil sa inyong mga kaluluwa, na parang sila ang mangagsusulit; upang ito'y gawin nilang may kagalakan, at huwag may hapis: sapagka't sa ganito'y di ninyo mapapakinabangan.

*tanggapin ang katawan at dugo ni Kristo sa Eukaristiya

Juan 6:53 (TAB) 

Sinabi nga sa kanila ni Jesus, Katotohanan, katotohanang sinasabi ko sa inyo, Maliban nang inyong kanin ang laman ng Anak ng tao at inumin ang kaniyang dugo, ay wala kayong buhay sa inyong sarili. 

1 Cor 10:16 (TAB) 

Ang saro ng pagpapala na ating pinagpapala, hindi baga siyang pakikipagkaisa ng dugo ni Cristo? Ang tinapay na ating pinagpuputolputol, hindi baga siyang pakikipagkaisa ng katawan ni Cristo?

(tingnan din ang 1Cor 11:23-29)

            ANG MGA BAGAY NA ITO AY ILAN LAMANG SA MGA IPINAPAYO NG BIBLIYA UPANG MAKAPAGTAMO NG KALIGTASAN. GAYUNDIN NAMAN, PINATUTUNAYAN LAMANG NITO NA HIGIT PA SA PAGSAMPALATAYA ANG HINIHINGI NG DIOS SA ATIN KUNDI PANANAMPALATAYANG MAY KALAKIP NA MABUTING GAWA.


+Pax Tecum!

=========
*ang mga bibliyang ginamit sa artikulong ito:
SND -- Ang Salita ng Diyos
TAB -- Tagalog Ang Biblia
RSV -- Revised Standard Version